هادا الكشكول هوا الشات حقي انا وامنيه وانهار
كانت ولاده هادا الدفتر بعد محاضره الاذاعه في المستوى التاني
بعدما فتنوا طالبات على مجموعه بنات كانوا بيتكلموا
فقام الدكتور طربق المحاضره على راسهم وحضروا 3 مشرفات عشان يعدلوا الوضع
وهزى وطردهم وقال انهم محرومين من المحاضره اللي بعدها
يومها نشف الدم بعروقنا انا وانهار لانوا اتكلمناوخايفين
تقول اسمائنا بس الحمد لله ما شافتنا
بس ماكان كلام فاضي كان عن المحاضره
بس الغريب انوا البنت اللي فتنت كانت جالسه في اول صف
وكيف شافت اللي اتكلموا من في قاعه فيها حوال 40 طالبه
ما ادري!! سبحان الله
هنا امنيه وانهار ما تابوا كانو يتكلموا
فكتبتلهم اتكلموا بالكتابه ورانا جواسيس
هادي الحاله النفسيه لامنيه وانهار في المحاضره ال7و8
رسمتهم بما ني رسامه مشاء الله
وانصح كل طالبه في جامعه ام القرى تقتني
زي هادا الدفتر لان البنات فيها
كيدهم عظييييم
وفي هادا الترم وجود هادا الدفتر ضروري مرا
لانوا في محاضرات لازم نكون فيها
صم بكم
…
هلا خوختي
احنا الوضع عندنا كذا
الكتابة بالدفاتر والمذكرات
وتطورت وصارت دفاتر المحاضرات
دفاتر للذكريات
أو ورق نتبادله وتعالي شوفي التعليقات
المكتوبة
أذكر مره كتبت للبنات:
شوق: تدرون لو العميدة درت عننا كان عينتنا كاتبات عندها
هذا غير الاشعار اللي تكون وليدة اللحظه
يعني تطلع مواهبنا من التنفيس بالكتابة
هذا أحلى شي في الجامعه
شكرا خوختي
.
.
.
مرحبـا شوق
هههههههه
يعني طلع مو بس نحنا اللي كدا
هادا الكشكول يخلينا في السليم
نضمن انوا ما حناخد كلمه كدا ولاكدا
اما مرحله الاشعار وليده اللحظه لسه ما وصلنا له
مع الايام نطور ونوصلها ان شاء الله
العفـو
جايين تدرسوا انتوا والا جايين تسووا شات في المحاضرة
عز الله أفلحتوا
تقولي فيه بنات كيدهم عظيم ..
وأنا أقول من من البنات كيدها مو عظيم ؟؟؟؟
اقول ..
ركزوا على دراستكم وخلكم من اللعب ,,
هههههههههههههه
لا جايين ندرس بس عاد
مو طول الوقت
نطفش بعدين
قـول
ومنكم نستفيد
أولا ياآنسة خوخه راح أرد عليك حبة حبة
*بصراحة هذا الدفتر عزييز عليا مرره لأنه يحمل ذكريات لاتنسى الله يديمه ذخر لنا>>هع هع
*الحمدلله ذاك الموقف ماكنت معاكم ،عشان تعرفوا إني مني راعية حركات فاضيه :)<لووول
*ههههههههههههههه أما دا الموقف مايتنسي حتى كتبتيه في محاضرة الراي العام كانت حالة رعب في القاعة
*خدووووووووووووووج كثري منها ،قال اشكالنا قال ، مساكين اللي يقروا كلامك مايدروا انك من صباح ربنا تجينا مسطله وكل مانسألك عن حاجه تقولي ايييه؟؟؟ بالاضافة الى دفتر الكشكول على قولك اغلبه كتاباتك واذا قلنالك ليه ماتكتبي المحاضرة تقولي مكسرة ومافيا أكتبوا انتوا وبعدين اعطوني
هذا جزات المعرووووووووف
طيييييييييييييييب يصير خير
بما انه الموضوع يخصني زي مايخص خوخه حبيت اقولك اخوي ثامر ،الحمدلله فالحين ومتميزاات كمان ولاكان ماطلعنا من الاوائل ع قسمنا <<تف تف الله اكبر ماشاء الله
وبعدين اللعب وسط المحاضرة رهيييب ،وله طعم خااااص بس مايزيد عن حده
جربوا وماراح تندموا<<ياوييييييييلي
هههههههه
ايوا احسن على حبه حبه اصلوا اكل اللوز حبه حبه
ايوا والله الله يديمه ولا يحرمنا منوا بس
انهار الله يهديها احيانا تنساه وتحرمنا منه
بس مقبوله منك يا انهار
الله الله ليش الشرشحه هادي قدام الله وخلقه
الله يكافي شيطانك
الله اكبر قال تسطيل قال
ترى كلنا في الهوى سوى امكن انا زايدعندي حبتين
بس عشان اكون مميزه بينكم
ايوا والله له طعم خاص
خاصتاَ لمن تمري بمواقف حا تروحي فيها
بس ربك يفرجها من عندوا
تسير حكايه فلـــه
هههههههههههههه
ضحكتيني ياخوخه،بصراحه هذا الدفتر مستحييييييييل انه يترمي،حتى لو عدت سنييييين عليه،لانه فيه ذكريات عزيزة علينا.
وأحلى شي لما اجلس استرجع الذكريات،واقرأ الدفترمن البداية الين النهاية،أجلس طول الوقت اضحك :)،وافتكر هذيك الايام.
وهذااحسن شي سويناه لانناراح ننتبه للمحاضرة،ونتكلم،وفي نفس الوقت مانزعج احد.
وحرام عليكي كذا مسويه اشكالنا،هههههه
لا ان شاءالله ياخوخه،ماراح انساه بعد كذا،واحرمكم منه.
ما شا الله عليك تقدرين تكتبين
احنا مافي امل لا دفتر ماسنجر
ولا كلام
صم بكم عمي
ههههههههههههه
بس تدرين اذا مررره طفشت من محاظرات
اجلس اخر المحاظره
وافتح الماسنجر من جد… مو دفتر ما سنجري
افتح ما سنجري عن طريق الجوال
واحاكي فيه صحباتي
لوووووووووووول
صراحه ما سويتها الا مرتين
بس دفترك هذا سميه دفتر ما سنجر
تحياتي
حلمي معي
اهلين حلمي معي
هههههه
مشاء الله عليكي متطوره
تتكلمي الكترونياً
احنا لسه دقه قديمه عالورق
نورتـي
اهلين نهر نا
العفو منك انتي عارفه
العتب على الاب توب ال…
ههههههههه
يترمي ايش
لا هادا ينحفظ وكمان يتحنط لو لزم الامر
ايوا نضرب عصفورين بحجر نسمع وما نزعج احد
اش احلى من كد اشكال
دمتــــــي