_شاهدت حلقه من برنامج (البيوت اسرار) على قناه عين للمذيعه سهير جوده
كانت الحلقه عن مدى حريه الشباب وهل جيلنا الحالي اتصالي ام تواصلي ؟
المذيعه مستضيفه شباب وبنات وكانت تسئلهم الي اي مدى اهلهم معطينهم الحريه ؟
وهل اخذوا الحريه بقوه واقتدار ام منحه من اهلهم؟؟
-كانت اجابات اغلب الشباب بانه اذا دخن يكون حر ، اذا كلم بنت يكون حر
واذا اتعاطى مخدرات يكون حر..
وكان في واحد من ضمنهم يقول انا حر اسوي اي شي
حتى لو اتعاطى!!
وكان في شاب يقول بانه اخبر اهله بانه يدخن كانوا بيرفضوا بس دحين سارفوق18
وفي علبه الدخان مكتوب لما فوق ال18 يعني هوا حر ويشرب !
-وفي شاب يقول انا اهلي بيعطوني فلوس لاني ناجح هما مالهم غير “بشهادتي”
اما غير كدا فهما مالهم ! صلاح يدخن ، يتعاطي ، يصاحب بنات هو حر
وشاب كان يتلكم عن السبيايكي انها ما هي <تقليد>؛ا نما
هوا يميز نفسه بيها وهو حر!
كان شاب يقول انوا الشراب ومصاحبه البنات شي ضروري !!
وهادي الحريه …
انا فؤجئت با جوبة الشباب لان مفهومي عن الحريه هو :
“هو ان افعل ما انا مقتنع به بشرط الا اؤذي الاخرين ”
وحريتي تنهتي عندما تبدا حريه الاخرين ..
وطبعا مفهوم الحريه يختلف من شخص لاخر ؛
لكن ما فهمت من الشباب بان …
_ الحريه محصوره في ( التدخين ، مصاحبه البنات ، خروج مع شباب ، تعاطي مخدرات )
واعتقد بان هذي حريه مغلوطه ..
الحريه ليس فعل ما اريد ، اكل ما اشتهي ، لبس ما اتمنى فقط ؛
بل تفكير وعقل بان اكون انا ..
وليس تقليد باني شفت ناس يدخنوا ادخن ؛ شفت
ناس يصاحبوا اصحاب بكدا انا سرت مقلد وتبيع لهم ماني حر ..
يعني اذا فعلنا الاشياء اللي ما يرضوها اولياء امورنا
نكون احرار !!!
يعنيي هل فعلاً انوا كل ما اتماديت في خطا اكون حر،ا ذا ما دخنت ، اوغلطت
حا اكون مني حره ؟؟
وهل “جل” الحريه محصوره في اني ادخن اصاحب اتعاطى ؟؟
ما هي ارائــكم …
طبعا ياخوخه فهمهم للحرية خطأ ….واصلاً هذه الاشياء (التدخين و المصاحبة والتعاطي)ما تدخل ضمن الحرية..
واعتقد ان الحرية لازم تكون في الشي الا يخصني انا بس وما يضر غيري وهذه الاشياء الا بيعتبروها حرية تضر بغيرهم قبل ما تضرهم
بس الغلط مو عليهم انهم فاهمينها خطأ …المفروض ان الاهل يعلموهم من صغرهم اش تعني الحرية ..وانه حريتهم لازم ما تضر انفسهم ولا تضر بالاخرين …وتكون في حدود الدين…
الله يهدينا ويهديهم اجمعين…
شوفي خوخة ..
الأشياء اللي ذاكرينها لو يبغوا يفكروا بيها بالعقل ح تطلع غلط .. فبقلك – أنا حر – عشان يخرج نفسه من النقاش ومن نداء العقل والضمير ..
..
كثير ناس بدا التفكير للأسف والشي دا مهو محصور على فئة الشباب والفتيات بالعكس حتى الكبار فيهم دا الشي .. يعني راجل كبير قاطع اشارة ولا واقف في نص الطريق يقلك يااخي أنا حر .. !
تعريفك للحرية ممتاز .. وأضيف عليه أن العمل اللي بأسوي وأكون حر فيه يطابق تعاليم ديني وعقيدتي ولا يخالف منهما شيئا ..
طبعا دا الكلام ضد العادات وضد الأعراف المتبعة في المجتمع …
شي تاني أني مهما كنت مقتنعة بشي .. مو معناته اني أروح وأسويه .. أحيانا مثلا أكون تحت نطاق أسرتي اللي تعارض العمل اللي أبغى أسويه فأتبعها احتراما لها .. بس برضو مافي مانع من الحوار والمناقشة .. والأهل طبعا مايضغطوا عليا ويخلوني أغير أفكاري .. لأن الأفكار ملك الأنسان نفسه .. أما التطبيق قدر المستطاع ..
…
الموضوع يطول ياخوخة ..
ويفتح أبواب للنقاش كثيرة ..
أشكرك ..
موضوع جدير بالنقاش الحقيقة
وآه من الحرية في هذا الزمان
لاشك أن ديننا كفل الحرية للمسلمين
ولكن لابد أن يكون لكل شىء ضوابط وحدود
وحدودنا هي ديننا
مادمنا داخل نطاق الدين فنحن في مطلق الحرية
أما إذا خرجنا فهنا الخطأ
الذي أراه والله أعلم أن كلمة (حرية) يزرعها في وسطنا الليبراليون
حتى كلمة ليبرالية مأخوذة من كلمة (liberality) يعني تحرر
وهؤلاء يريدون الحرية في كل شىء وخارج نطاق الدين ولا يمنعهم شىء
كما قالت وفاء سلطان في المرة الأخيرة (إن الإسلام سجن وضع معتنقيه فيه)
هذا فعلا فكر العلمانيين
أنهم يريدون الحرية في كل شىء
فإن تشبع شبابنا بهذا الكلام صار تقبل كلام الليبراليين أكثر وأوقع في نفوس الشباب وهذا ما نخاف منه
الكلام يطول كما قالت الأخت أيانق
وأكتفي بهذا
والسلام عليكم ورحمة الله وبركاته
البعض يظن أن فعل المحضور من ” الحريات ” ..
برغم تناسيه للحرية المعطاه في المباح .. !!
طيب ايش الحل ؟؟ هذي هي عقليات شبابنا ..
اوفق رايكِ في الحريه ..
موضوع جدآآ راائع سلمتِ
الله يهديهم شبابنا صاروا يفسرون الحرية هي انتهاك المحرمات ومخالفة العادات والتقاليد
اهلا نهر لوفا
الاشياء (التدخين و المصاحبة والتعاطي)ما تدخل ضمن الحرية ..
هيا بالفعل ما هي ضمن الحريه ولا هي مقياس للحريه ايضاً
بس ترى كمان في الغالب ما يكون الغلط على الاهل
لانهم قد يكونوا علموا وفهموا بس يكونوا الاولاد تاثروا
بالاصحاب بالاعلام المغلوط وباشياء كتيير …
غيرت فهمهم
اميـن
نورتي
اهلا ايانق
وحتى ممكن يقول انا حر ويسوي شي مو مقتنع بيه
بس عشان يلبي رغباتوا ..
بالفعل المفروض الشخص لمن يعمل شي
يعمل حساب لبيئته ومجتمعه ومدى تقبلهم له
هادا مو معناتوا انوا في كل شي يعمل حساب للمجتمع
لا في حدود المعقول ..
العفـو يا ستـي
اهلا مصطفى حسان
بالفعل لابد ان يكون لكل شي ضوابط وحدود
لتغيب الرقابه الذاتيه عند الكثير
الحريه في كل شي ما هي كفيله بتطور او تقدم المجتمع
والتحرر ايضا ليس ايجابي في كل احواله ..
وعليكم السلام ورحمه الله وبركاته
نورت
اهلا وسهلا فيميل
اختصرتي الموضوع
في جملتين وافيه مشاء الله ..
بالفعل مع انوا الحريه في المباح
اكتر من المحظورات بكتير
ولكن كل مين يعقلوا يعيش
نورتي
اهلا وسهلا ومرحبا بالضيفه الجديده اماني
الحل طبعا ما حا يغير كل شبابنا
لكن يوجه تفكيرهم للشي الصح
وهادا يحتاج توعيه ووو الخ
الله يسلمك
اهلا لورد بن سليت
بالفعل الحريه ما تحصر في انتهاك المحرمات
ولكن ياليت قومي يعلمون …
نـورت
مفهوم الحريه الي ذكرتيها صحيحه
الحريه ان الانسان يسوي الشي الصح في هذه الحاله يكون حر
ممكن الشي الصح هذا ما يعجب الناس
بس المهم انه صح…..
في هذه الحاله يقول حر
بس مو الحريه انه يصاحب بنات ويشرب دخان ويتعاطى مخدرات تكون حريه
هذه حريه بس حريه غير صحيحه
الحين الاجنبي في ديرتنا مثلا ممكن انه يشرب خمر مثلا هو حر لانه شرب الخمر عندهم الشي صحيح
ولكن ما يشربه قدامنا لانه مو حر في هذه الحاله
لانه شرب الخمر عندنا شي مو صحيح
مثال بسيط
الطالب حر انه يتكلم بس مو حر انه يتكلم في قاعة المحاظره
انا في الراي الحريه تكون الحريه في الشي الصحيح والمكان الصحيح
كذا نسميها حريه
اسفه على الاطاله
تحياتي
حلمي معي