يقول ميخائيل نعيمه: من كان لايبصر غير محاسنه‘ومساوى غيرهـ
فالضرير خير منه.
التقيت بالصدفه باحدى صديقات الثانوي وتذكرتك موقف
حصل معها , ومن كتر استغرابي لهادا الموقف
ارتبط هادا الموقف بصاحبتي وسرت كل ما اشوف هادي البنت
او افتكرها اتذكر هادا الموقف
في ايام الثانوي
حدثت مشاده بين صاحبتي والابله
وكنا نتكلم انا وهيا وقلتها طب
اش حاتسوي انتي غلطتي
قالتلي لا انا ما غلطت
وحاجيب امي تتفاهم معاها قلتلها طب لو قالتها
انك غلطتي قالتلي لا انا ماغلط!
امي تقول انوا
اولادها ما يغلطوا !!! استغربت كيف كدا ؟؟
ورجعت البيت وانا افكر في الموقف
هادي الايام شفت البنت في الجامعه
وافتكرت الموقف وقعدت افكر
هل الحب الاعمى من الام لاولادها يخليها تشوفهم ملائكه ما يغلطوا
وهل هيا فعلا كدا تحبهم !!
في مثل يقول
( انا افدى من بكاني وبكى عليا ولا من ضحكني وضحك عليا )
لانوا اللي يحبيني ولو زعلني هادا لانوا يتمنى يشوفني
احسن الناس وما اغلط عالناس
ولو انوا جل من لايخطى
بس انوا يتربى الشخص على انوا هوا على طول صح
ومايغلط ،، هادا من اخطاء التربيه
الي هيا سبب رئيسي في استهتار وغلط وانحراف الشباب قبل تعرضهم
للاشياء الغلط من قبل الاصحاب اوالاعلام
يعني هادي الام االلي تحب اولادها حب اعمى وما تشوف غلطهم
هل هيا تحبهم اكتر ولا اللي تشوف اولادها على خطا
وتصححهم هيا اللي تحبهم اكتر
رغبتاً منهنا في انهم يكونوا محترمين
افيدوني ..
لا اكيد الام على غلط اذا قالت انه اولادها ما يغلطون
وهذا مو دليل على الحب
يعني ما ينصحك الا مين يحبك اما الي ما يحبك ماراح ينصحك ولا يهمه اصلا امرك
وايش وظيفة الام اذا ما صححت اولادها ودلتهم على الطريق الصحيح وبينة لهم الصح عن الخطأ
تحياتي
حلمي معي
موضوع مهم ..
شوفي خديجة .. أحيانا الأم من كثر ماهي واثقة في تربيتها تقول الشي دا . بس البني آدم ضعيف وبيغلط ولازم تعرف أنو مافي أحد كامل على وجه الأرض ..
واحيانا .. تكون الأم مهي واقة من تربيتها وماتبغى الناس تغلط عليها .. لأنها عارفة أنو أساسها مهو صح .. فتجلس تقول الحجج الواهية دي ..
المفروض .. أنها تربي وتشتغل وتدعي ربنا أنو يهديهم ويصلح أمرهم .. وتساعدهم في اي مشكلة .. وتعلمهم كمان أنو لو غلطوا لازم يرجعوا يستسمحوا .. والغلط مو عيب …
تسلمي خدوج على أفكارك النيرة
صح لسانك
وعلى قولة المثل:
رحم الله امرء أهدى إلي عيوبي
والله موضوعك في الصميم ياخدوج
سلمت يمينك
من جد صارت الام تشوف اولادها هما الصح وغيرهم على غلط في قرارة نفسها مع انها عارفه انهم غلطانين
بس الله يهديهم ويرجعهم للصواب
سلمت خدوج
خوختي
بتعيشين وتشوفين
سبحان الله مع أن الأمومة شي واحد مايختلف فيه إثنين
إلا أن نظرة الأمهات لأبنائهم تختلف من أم لأم
ماأقول إلا الل يصلح الشأن
سعدت بكتابتك
.
.
.
في مثل بيقول(القرد في عين امه غزال)
وكثير امهات بيشوفوا عيالهم من احسن الناس مهما عملوا
وبالتالي بتترتب عليه امور وتصرفات خاظئة كثيرة
ودايما التربية لها دور في تكوين الشخصية
تفكيرك سليم خوخة …
واتوقع انو صار في وعي اكثر هدي الايام
صحيح ولا يتهيألي ؟
هيا من حبها لهم صارت ماتشوف اخطائهم…
بس الاولى انها تعلمهم ان كل انسان لابد يجيه يوم ويخطأ والخطأ مو عيب لكن العيب التمادي في الخطأ وعدم الاعتراف به…
بس الله يهدينا ويهديها…
تسلمي ياخوخه…
اشكركم جميعاً
اثريتم الوضوع
وجهة نظر سليمة يا خديجة ..
للأسف أن التربية لا تحظ بكثير اهتمام في أوساط الأسر والعوائل ..
أنا مؤمن أن الجزء الأكبر منها فطري , بدليل أنا آبائنا وأجدادنا ما كانوا متعلمين ومع ذلك يستطيعون أن يعطوا دروس تربوية غاية ما تكون التربية ..
لكن اليوم وقد اختلفت مدخلات المجتمع واهتزت قيمه وتنوعت مشاربه .. أجد أن التربية لا بد أن تحظى بقدر من الاهتمام والاطلاع على أساليبها وفنونها , لأن العصر الحالي قلب كل ما يمكن أن يكون في السابق فطرة وجبلة إلى دروس تكتسب وتعلم ..
موضوع رائع خديجة ..
الله يوفقك
معليش اقولك الام دي جاهلة
قبل ما تكون غلطانه
لانها ما فرقت بيت الحب و المتابعه
الانسان بطبيعتو ما يخلو من الغلط
احنا مو ملائكة
وهيا غلطانه لانو حيجي يوم وامكن تنصدم في واحد من اولادها بسبب الطريقه دي
و يا ستي كل مين بعقلو يعيش
نعيش ونشوف
في الواقع لا يمكن إصلاح الخطأ بالشكل الصحيح أبدا إلا إذا اعترفنا بوجوده
لا بد أن هذا النوع من المشاكل مازال مستمرا معها وهذا غير مستغرب
لانها لا تريد أن تعترف بأن هذا خطأ !