في احدى المرات كنت اتابع حلقه لبرنامج على باب الجنه للداعيه للمبدع مصطفى حسني
فاستغربت مني صديقتي !!! ونظرت الي بتعجب !!
قالتلي انتي تتابعي هادا البرنامج
قلتلها ايوا اتابعه وحتى لو حلقه معاده اتفرجها تاني
هاداداعيه رائع يتكلم بروح شبابيه عن الدين ويعتمد اسلوب الترغيب
ويتفنن في الدعوه
قالتلي بس انا اخويا امام لمسجد قلواانتبهوا لا تسمعوا لهادولا
الصغار !!
وكثيير اسمع ناس يقولوا احنا ما نسمع لمصاريه ولا تسمعوا للمصاريه
ما ادري هل هم دينهم غير عشان ما نسمع لهم
استغربت كيف يحكم عليهم من دون مايسمع لهم
وطب هوا صغير بس يملك قدرات للدعوه وبنجاح كمان
وبالعكس بصغر سنه يكون قريب من الشباب ويتفهم مشاكلهم اكتر
انا عن نفسي استمتع كثيرا عندما استمع للشيوخ والدعاه المصاريه
وما اعرف لمتى راح نظل نشوف نفسنا من المصطفين الاخيار
وغيرنا ولا شي
حاليا يعرض برنامج رائع على قناه اقرا
خدعوك فقالو للداعيه مصطفى حسني
وايضا تكمله برنامج الطريق الصح لمعز مسعود
اتمنى متابعبتهم قبل الحكم عليهم
هناك مقوله ما اتذكر قائلها تقول :
“العلم جذوره في المدينه وفروعه في العراق وثمرته في مصر “
شوفي ياخوخة ..
والله الموضوع دا كان مرة متعبني .. وخاصة مع الناس اللي تقلك ماناخذ الفتوى الا من أبن باز وأبن عثيمين .. عليهما رحمه الله .. كنت أقلهم أنو الدين مو ( صنع في السعودية) وأنوا العلماء في البلدان الأخرى كمان الواحد ياخذ بآرائهم والدين مهو حنبلي وبس في مذاهب اخرى الواحد ممكن يمشي عليها ..
..
لو تشوفي المناقشات اللي كنت ادخل فيها .. بعدين في النهاية عرفت انو القافلة تسير والكلاب تنبح !
..
موضوع مهم .. شكرا ليكي
من جد انا ما اعرف كيف الناس تحكم على الناس قبل ما تشوفها
خاصه المطاوعه الي مسوين نفسهم خيرة الناس
وكل الناس يدخلوا النار وهم بيدخلون الجنه
ولا تاخذوا كلام ولا حكم الا منهم
هذا الشي الي ما احبه
كلنا نعبد الله
والاحكام والمذاهب الي تكونت في الاول والاخير
هي اجتهادات علماء
ممكن صحيحه وممكن خاطئه
يعني ما نقدر نقول هذا حكم من مصر ما ناخذ فيه ولا هذا فكر مصري ما ناخذ فيه ولا حرام
ومثل هذا الداعيه بالعكس انا اشجعه
لان هو شاب ويعرف مشاكل الشباب وعايشها
فيكون له خبره وحكمه اكثر
انا ما ادري الناس هذه كيف تفكر !!!!!!!!
خوحة
انا معاكي 100% من ناحية انو مافيها شي لو نسمع لداعية صغير سواء كان مصري او اردني او يمني اي كان .. طالما عنده وسيلة الاقناع والاهم من كدة (العقيدة الصحيحة) ..
لكن المشكلة
انو الدعاة انتشروا بكثرة عالتلفزيون .. وبعض منهم عقيدتهم ماهي سليمة او نقية تماما .. تلاقي الداعية كلامه سمن على عسل يوصل القلب مباشرة لكن فجأة يقول معتقدات غريبة بتوصل انها تكون شركية او الحادية احيانا ..
الحمد لله ربنا من علينا انو يكون عندنا اساس اسلامي صحيح نوعا ما وتفهم للامور الصحيحة من الخاطئة لكن في ناس المعتقدات مزعزعة عندهم وممكن هذا الكلام يهز من عقيدتهم ويمسها عشان كدة احيانا بعض المشايخ بيقولوا لا تسمعوا لاي احد او للصغار على قولهم ..
هدي وجهة نظري
شوفي ياخدايج..<<<شكلي راح اتكفخ
الواحد لازم يكون يعرف هوا ممن مين بياخذ الفتوى ويكون متأكد منه..
بس بالعكس انا احب اسمع للشباب ..احسهم انهم يتفهموا لمشاكل المراهقين والشباب..
وشوفي انا صراحه كنت ما احب اسمع لداعية (مصري الجنسية)
بس بعد ما سمعته وشفت برنامجه صراحة مرة عجبني كلامه واتندمت اني من زمان ماكنت اسمع له..
واتعلمت اني مااحكم على الشي الا بعد ما اعرفه..بعدين احكم..
ما قلتي لنا ياخوخه <<<عدلتها
في اي قناة يجي هذا الداعية(مصطفى حسني)ومتى برنامجه عشان نشوفة
شوقتيني (قلتلها ايوا اتابعه وحتى لو حلقه معاده اتفرجها تاني)
كثير من الناس تحكم على الاخرين دون ان
يروا ما لديهم هل هو جيد ام لا
نحن لدينا ادراك بالتأكيد لنعلم الصحيح من الخطأ
سواء من الدعاه صغار السن او غيرهم
سعودين او مصريين لا يهم المهم ان نأخذ الجميل
منهم وما يسعون دائما الى اعطائه
شكرا لك خوخه موضوع جميل
كل التقدير والتحيه
انين
اهلاً هند
واللهي فعلا القافله تنبح
والكلاب تسير
ترى حتى انا كنت كدا
خاصه ايام الثانوي
كنت شاذه بين صاحباتي
كنت لمن اتكلم عن المصاريه
والحبيب الجفري وغيرهم
كانوا يخالفوني وينتقصوني
كانوا فيا شي متزعزع
عالعلموم نلتمس لهم العذر
فهم اعداء ما يجهلون
ما اقول غير
ياليت قومي يعلمون ..
اهلا حلمي معي
يشيخه البعيد عنك الجهل يسوي اكتر من كدا
بعض هادولا المطاوعه عندهم صك حصر
بدخول الجنه لهم ولمن على شاكلتهم فقط
الله ينور بصيرتهم
مرحبا اودهـ
مممكن تكون مشكله
ولكن الله ميزنا بالعقل ويبان اللي عقيدتوا مو سليمه
بعدين احنا ما حناحاسب الناس
انا عن نفسي ليا باكلام اللي يقولوا
الشخص واستفيد منوا
اما غير كدا عقيدتوا فكروا ما لي صلاح
لانوا ربنا اللي حا يحاسب
مو نحنا البشر اللي نحا سب
دمتي
لالالا
مو معقول
خصمي ومخالفي الاعظم اللطيف
بدا يتفق معي
يبغالها زغروطه
للللللللولي
وعقبال بعض ناس ان شاء الله
عموما يستي لا ما راح اكفخ ولا شي كل شي
منك حلو
اما البرنامج شوفي الربط حاطته
في مواعيد البرامج واللي فاتت من الحلقات حمليها
رائعه
يجي على قناة اقرا
اهلا بـ انين
للمره الاولى لدي
اوافقك المهم
ان ناخذ الجميل
مما يسعون لاعطائه
وجودك الاجمل
