التقيت اكتر من مره ببنات من حفظه كتاب الله الله يهنيهم بالنعمه اللي ربي رزقهم هيا ويوفقهم
كنا نتكلم عن القران والتفسير والاجزاء الي تحفظ في الجامعه فعلى طول وجهوا الحديث
على المستوى المتدني لبعض الطالبات والمفروض ما يكونوا كدا بلهجه فيها شي
من الاستعلاء والاستنكار لهادي الفئه ،
يمكن لانوا سهل مره بالنسبه لهم فمستصعبين حال اللي اقل منهم , لكن اعتقد انوا لازم
يكون في تعطف مع اهل الخطا وما ينظر لهم نظره دونيه او نذمهم او نهزئهم كما
يحصل من بعض المعلمين والدكاتره عندنا في الجمعه لانوا الطلبه
وصلوا لمرحله المفروض يكونوا افضل
مماهما عليه..
ربنا العليم , زي ماجعل اجر للماهرين بالقران كمان جعل اجر للقارى اللي يتعتع
قال الرسول صلى الله عليه وسلم :” الماهر في القرآن مع السفرة الكرام البررة والذي يقرأ القرآن
ويتتعتع فيه وهو عليه شاق له أجره مرتين ” رواه الشيخان من حديث عائشة
كما ان بعض الناس ينظروا لاهل المعاصي عموما نظره استعلاء كانوا هما مزاكيين
او من المصطفين الاخيار ويكرهوهم ، المفروض نكره غلطهم مانكرههم هما شخصيا
‘لانوا لو ربنا ماهدانا كنا حنكون مكانهم
وندعيلهم ربنا يفتح عليهم
ربنا اللي هواسبحانه خلقهم وبيعصوا في ارضوا حليم وصبور عليهم وبعض الناس اللي هما
ما بيخطائوا عليهم ما يخلولوهم ولا يبقولهم
ويشوفوا انهم على صح
