ختمها الرحمن

 

واخيراالحمد لله ختمها الرحمن وانتهى الترم الــ … ولا بلاش اغتابوا

اكتفي بانوا اسوا ترم درسته مع انوا تلاته ايام في الاسبوع

ودرسنا مع الدكاتره الطيبين الحمد لله 

ولكني ما كنت حابه هادا الترم كنت اتواجد في الجامعه جسدياً بس 

ما اجي غير على موعد المحاضره واخرج بمجرد ما انتهي 

لكن كانت في مواقف طريفه مررا حصلت في هادا الترم

وهو انوا كل ما اقول شي يسير ..  الين ما ساروا امنيه وانهار يخافوا

اقول شي ما يبغوا يسير لهم عشان لا يسير

زي يوم امنيه ما راحت المحاضره بدري واقولها روحي ما هي راظيه

تقولي الاستاذه ما تجي بدري قلتلها روحي راح تجي بدري اليوم وتحضر كما ن

ما رضيت وفعلا راحت لقت الاستاده جات وحضرت

وفي يوم سالتها عن واحده من صاحبتها من زمان ما كلمتها 

تاني يوم كلمتها

اما انهار

كان عندنا اختبار (اتمته مكاتب ) واخدت منهم الاتنين مذكرات وصورتها

ولمن رجعتهلهم هيا قلتلهم شكرا وقلت لامنيه نخدمك في الافراح اما انهار قلتلها نخدمك

في الاحزان بمزح كانت والله , بس ما عدا اسبوع الا وانسرقت محافظتها

الاسبوع اللي بعده كنا في المحاضره وكملت من عندها المحاضره

ورجعتلها هيا وقلتلها شكرا نخدمك في الافراح وفي يومتها رجعت المحفظه

يلا اللي يبغا يسرلوا شي يرسلي الطلبات

بس هــأ ترى كلوا بحقوا

بس اسوي عرض ادفعوا قيمة طلبين والتالة مجاناً

وانتهى الترم ما باقي غير المعدل

اللي  ان شاء الله يتعدل بقدرة قادر

 

المثــاليه

 

اهـنئى صديقتي انهار بمناسبه تفوقها واختيارها الطالبه المثاليه

على قسمنا الاعلام مشاء الله واهديها هادي الكلمتين

 مع انها تستحق اكتر من كدا

لكن كلمتين على قدي .

 

من كلماتي الانشائيه ..

تهنئـه قلبيه ..

مع انتهاء السنه الدراسيه ..

محمله با لورود العطريه ..

ودعوات بالسعاده الابديه  ..

والتفوق  باستمراريه ..

للبنت الحلوه د يه ..

انهار المثاليه ..  

 

مبروووك انهار

يومي مع روايه

 

"الحمد لله الذي احياني بعد ما اماتني واليه النشور"

دعاء رددته في صباح عادت فيه روحي بعد موتها بأذن باريها 

فحمدت ربي على هذه النعمة.. 

تلاها استعداد ليوم جامعي جديد بدائته بقبله على يد غاليتي

 ست الحبايب 

مرورابسلام ولقاءصديقاتي ومحاضره عكيت فيها قليلا

ثم لقاءمن غير ميعادبصديقتي التي لاارهادائماً

ولكن استمتع بالدقائق التي اقضيها معها(هند )

انهينااللقاء بتوصيلي لهالقاعتها رغم انه في الأساس 

كانت هي تريد إيصالي على طريقها 

فضللنا على هذه الحالة نمشي هيا توصلني لقاعتي 

وإنا أوصلها إلى  قاعتها الى  ان شرفت استاذتها

 واتنهى اللقاء 

وتجدد اللقاء مع امنيه وانهار بعد محاضره لا باس بها 

اخبرت فيها انهار باني اريد ان اشتري كتاب من البازار 

لاتسلى به اليوم ولكن ماعندي ليس كافي 

فاستعرت منهابشرط ان تؤدي يمين القسم باستراجاع حقها

 وبلفعل ادت القسم 

ثم ذهبناللبزارواشتريت روايه ( أوراق ) لمحمد الداود 

رجعت للبيت وبدات بقرائه الروايه فما انتهى يومي 

الا بعدان انهيتها 

رغم ان الروايه كانت سرد عن تجربه شاب خارج المملكه الاانها 

كانت سبب في جعل يومي ممتع,,

 فهذااول يوما استمتع فيه بعد رحيل والدي 

رغم ان هذااليوم لن يخلو من دموع على حبي المفقود 

الا انه كان يوم ممتع  

 استمتعت كثيرا بالروايه رغم انها قلبت لي المواجع لحالي

 مع لغتي الانجلزيه المهترئه 

مع تمني بارتقاء في اسلوب كتاباتي وتطور للغتي 

ولكن استمتع بسرده لافكاره الاسلاميه  

التي تتخللها مواقف طريفه وتذكيره بنعمه الاسلام بطريقه غير مباشره 

 ابدع الداوود في روايته  مشاء الله 

 يبدوا ان هناك علاقه بين المتعه وعائله الداوود 

فاصدراتهم لا تخلو من المتعه بداً بـ متعه الحديث مرورا بهذه الروايه 

التي كانت سبب بعد الله 

في ان اعيش يوم ممتع وانتهائاً بالمراه البحر والرجل المحيط

 الذي لم اقراه بعد

ولكني متاكده من انه لايخلو من المتعه 

 صديقتي انهار لاتعلمي مقدار المتعه الذي سببته لي هذه الرواية  

التي  كنتي سببا بعدالله في متعتي 

فشكرا صديقتي ...  

 

كشكول

 

هادا الكشكول هوا الشات حقي انا وامنيه وانهار 

كانت ولاده هادا الدفتر بعد محاضره الاذاعه في المستوى التاني

بعدما فتنوا طالبات على مجموعه بنات كانوا بيتكلموا

فقام الدكتور طربق المحاضره على راسهم وحضروا 3 مشرفات عشان يعدلوا الوضع

وهزى وطردهم وقال انهم محرومين من المحاضره اللي بعدها

يومها نشف الدم بعروقنا انا وانهار لانوا اتكلمناوخايفين

تقول اسمائنا بس الحمد لله ما شافتنا 

بس ماكان كلام فاضي كان عن المحاضره

بس الغريب انوا البنت اللي فتنت كانت جالسه في اول صف

وكيف شافت اللي اتكلموا من في قاعه فيها حوال 40 طالبه

ما ادري!! سبحان الله 

 

هنا امنيه وانهار ما تابوا كانو يتكلموا

فكتبتلهم اتكلموا بالكتابه ورانا جواسيس

 

هادي الحاله النفسيه لامنيه وانهار في المحاضره ال7و8

رسمتهم بما ني رسامه   مشاء الله

وانصح كل طالبه في جامعه ام القرى تقتني

زي هادا الدفتر لان البنات فيها

كيدهم عظييييم 

وفي هادا الترم وجود هادا الدفتر ضروري  مرا

لانوا في محاضرات لازم نكون فيها

صم  بكم

…

اختبارات

 

حتى تتعلم لابد ان تتالم 

  

   

 كل شي يرخص اذا كثر الا العلم فانه اذا كثر غلا  

  

العلم اعلى من الاموال منزله

لانه حافظ والمال محفوظ   

 

  

بدئت اختباراتي

دعـــواتكم

دققوا بالصور

تكريــمي

يوم 24 /12 /1428 هـ قامت جامعه ام القرى باحتفال لطالباتها المتفوقات في جميع الكليات

تحــت رعــــايه عمـــيده الــدراســـات  الجــامعـيه د.وفـــاء المــزروع

فابتدى الحفل بمسيره للطالبات المتفوقات فكنت انا وصديقتي امنيه مع

بعـض التي من بدايـه الحفل وهي تبـدي تذمرها حتى انـتهاء الحفل بـعد انا قلـتلها

 خلاص روقــي وعيشي اللحظه بالاشياء الحلوه اللي فيها بعدين هديت  والحمد لله 

وطبعا بداء الحفل بتلاوهـ من القران الكريم ثم كلمه عميده الدراسات الجامعيه 

وبعض الفقرات ومن ثم التكريم فكرمنا جميعا انا وصديقاتي لتفوقنا

فكانت امنيه الاولـــى عالدفعه مشاء الله 

وقامت بتكريمنا الدكتوره :نوره الاصقه  

فتسملت شهادتي  والدرع

    

 وايضا هديه من الدكتور خالد معتوق عميد كليه العلوم الاجتماعيه  

    

شــكرا دكتور خالد 

___________

اما التكريم التاني كان قبل الحج عن نشاط  وهو تنميه الشخصيه وتعزيز روح المواطنه

فقمنا بعمل فني الا وهو عمل خريطه المملكه والبصم عليها

 انا وصديقتي انهار ومياده  وبعض طالبات الاعلام 

فتسلمت الشهاده من الدكتوره ابتسام 

 

شكرا دكتوره ابتسام

وطبعا الشكر في الاول والاخر بعد الله

للدكاتره الذين يدرسوننا

فهذا حصاد ما زرعوهـ فينا

د.محمد هنديه ,د .صابر حارص ,د. عثمان قزاز

د.سمير توكل,.د.سفران المقاطي

د.عدنان الحربي 

سبــــــــقتك يـا هنـد

 

الانظمه

  في اي مجال دراسه او عمل في الدنيا لابد ان يكون هناك نظم  يطبق

 فالكون اساسا يمشي بنظام    

احببت ان اكتب عن بعض انظمه جامعتنا  ليس اعترضا عليها

بالعكس هناك من ينطبق عليهم مالايؤخذ يالقران يؤخذ بالسلطان

 ولكنني نفسي اوصل من الغرض في ذلك

فعندنا في اللبس ممنوعه الوان معينه   

 ويقولوا الغرض من ذلك

عشان لا يكون هناك لفت للانظار ولا يلبسوا شي يخدش للحياء واحنا في مكان علم 

انا ليس لدي مشكله في تطبيق النظام ولا احب اخرجه عنه لان اللي ما راح البسه في الجامعه

اقدر البسه في مكان تاني  يعني عادي

بس نفسي اعرف الغرض من ذلك

 كل الاشياء الممنوعه عند مرحله البكالوريوس  مسموحه للماجستير والدكتوراه 

يعني ابعرف لمن تلبس طالبه الماجستير اوا الدكتوره اللبس اللي احنا ممنوعين منه

ما راح تلفت ولا هي في مكان علم

يعني  غرضهم من المنع مهو مطبق   

فليش يمنعونا ويسمحوا للماجستير والدكتواره

المفروض اذا كان في شي ممنوع يطبق على الكل

 مو على مرحله معينه 

عشان يتحقق الغرض من المنع

 وكمان ..

كان الباب يظل مفتوح طول الوقت بس دحين  لا سار يفتح الساعه12 

في احدى المحاضرات  سالت الاستاذه الطالبات عن عيوب الجامعه فكان ردهم كالتالي …

الطالبات : الباب ما يفتح الا 12

الاستاذه : طب احسن لا ن انتوا عارفين اش راح يصير لوكان مفتوح طول الوقت  وهما ماطبقوا هادا النظام الا لشي ما حصل

الطالبات : يعني ي استاذه اللي ما راح يصير قبل 12  مايقدروا يسووا الطالبات بعد 12

الاستاذه: الا طبعا بس انوا راح يحد من هادا الشي

الطالبات : كيف  يحد منوا يا استاذه  لا طبعا اللي تيغى تسوي شي تقدر  تخرج بعد 12 مكان ماتبغى وترجع بالراحه الجامعه دوامها ينهتي 6

واللي تبغى كمان تقدر تخرج بالراحـــه لمن يكون عندها يوم اووف  يعني البنت اللي تبغى تسويه تسويه يا استاذه  

ما راح يردها شي غير خوف اللـه

الباب اذا انفتح قبل او  بعد 12 ما راح ياثير في شي 

فالمفروض ما يعطلونا على شي  حاصل حاصل 

على الاقل يسووا زي جامعه جده البا ب يفتح 9

الاستاذه :ابتسمت وقالت فعلا صح كلامكم بس اش نسوي هادا النظام   

ومن الاشايء العجيبه اللي حصلت

في عندنا في كفتيريا فيها طاولات وكمان في طاولات للي يطلب قهوه وبينهم فاصل  

فا يوم مسكوا فيها طالبات يدخنوا الله يهديهم

قاموا اش سوا الطاولات الخاصه بالقهوه منعوا انو احد يجلس فيها وحطوا شجره كبيره في المدخل

عشان محد  يدخل ويجلس فيها

يعني بالله اذا البنات ما جلسوا في غير هادي الطاولات محا يدخنوا

المفرض يشيلوا الفاصل عشان نستفيد من الطاولات ويكون المكان مفتوح عشان محد يقدر يسوي

شي   

 اما  المنع من الجلوس في الطاولات اللي  حصل فيها التدخين يحد منه

بالتاكيد  لا  

  فا اعتقد انولازم تكون هناك انظمه عقلانيه

….